جمعرات 24؍ربیع الثانی 1445ھ9؍نومبر 2023ء

وزارت مذہبی امور کی مساجد میں پرائمری تک روایتی تعلیم دینے کی تجویز

وزارتِ مذہبی امور نے مساجد میں پرائمری تک روایتی تعلیم دینے کی تجویز پیش کر دی۔

 وفاقی حکام کا کہنا ہے کہ ملک بھر میں ڈھائی لاکھ سے زائد مساجد ہیں جو فجر تا ظہر خالی رہتی ہیں۔

وزارت مذہبی امور نے کہا کہ ملک بھر میں ڈیڑھ کروڑ سے زائد بچے اسکول نہیں جاتے، مساجد کو روایتی تعلیم دینے کے لیے آئمہ کرام سے مشاورت شروع کر دی ہے۔ 

محکمۂ اوقاف سندھ نے تمام مساجد میں خواتین کے نماز پڑھنے کی جگہ مختص کرنے کا فیصلہ کر لیا۔

وفاقی وزیر مذہبی امور انیق احمد کا کہنا ہے کہ مساجد میں صحت کی سہولتیں فراہم کرنے کے لیے بھی مشاورت کر رہے ہیں۔

ان کا کہنا ہے کہ مسجد میں ہفتے میں ایک دن لیڈی ڈاکٹر کی خدمات فراہم کرنے کی بھی تجویز دی ہے۔

وفاقی وزیر مذہبی امور نے کہا کہ مساجد میں تعلیم اور صحت کی سہولتوں کے لیے صوبائی حکومتوں سے مشاورت جاری ہے، مختلف ممالک میں مساجد صدیوں سے تعلیم اور صحت کی خدمات کے لیے استعمال ہو رہی ہیں۔

انیق احمد کا یہ بھی کہنا ہے کہ صدرِ مملکت عارف علوی مساجد میں تعلیم اور صحت کی سہولتیں فراہم کرنے کے حق میں ہیں۔ 

بشکریہ جنگ
You might also like

Comments are closed.