وزارت خزانہ نے پٹرولیم مصنوعات کی قیمتیں برقرار رکھنے کا نوٹیفکیش جاری کردیا

وزارت خزانہ نے پٹرولیم مصنوعات کی قیمتیں برقرار رکھنے کا نوٹیفکیش جاری کردیا، جس کے مطابق پٹرول کی قیمت 149روپے 86 پیسے فی لیٹر برقرار رہے گی۔

وزارت خزانہ کے اعلامیے کے مطابق ڈیزل کی قیمت 144روپے15 پیسے فی لیٹر اور مٹی کے تیل کی قیمت 125 روپے 56 پیسے فی لیٹر برقرار ہے۔

رہنما مسلم لیگ ن نے کہا کہ اس وقت ہر لٹر پٹرول پر حکومت 21 روپے، اور ڈیزل پر 51 روپے اپنی جیب سے دے رہی ہے۔

اعلامیے کے مطابق لائٹ ڈیزل آئل کی قیمت 118 روپے 31 پیسے فی لیٹر برقرار رہے گی۔

وزارت خزانہ کا کہنا ہے کہ اوگرا نے پٹرولیم مصنوعات کی قیمتوں میں خاصا اضافہ تجویز کیا تھا، وزیراعظم نے اوگرا کی سفارشات کو مسترد کردیا ہے۔

اعلامیے کے مطابق وزیراعظم نے عوام کو ریلیف کے لیے پٹرولیم مصنوعات کی قیمتیں برقرار رکھنے کی ہدایت کی ہے۔

بشکریہ جنگ