وزارتِ مذہبی امور کی عازمینِ حج کے لیے اہم ہدایات

وزارتِ مذہبی امور کی جانب سے عازمینِ حج کے لیے اہم ہدایات جاری کردی گئی ہیں۔

ترجمان وزارت مذہبی امور کا کہنا ہے کہ ہر عمر کے عازمینِ حج کے لیے کورونا ویکسین لازمی قرار دے دی گئی۔

ان کا کہنا تھا کہ کورونا ویکسین کی مکمل ڈوز کے بغیر سعودی عرب میں داخلہ منع ہوگا۔ تمام عازمینِ حج روانگی سے قبل سعودی عرب کی منظور شدہ ویکسین کا سرٹیفکیٹ ہمراہ رکھیں۔

ترجمان وزارت مذہبی امور نے کہا کہ منظور شدہ ویکسین کا ثبوت نہ ہونے پر جہاز سے آف لوڈ کردیا جائے گا۔

بشکریہ جنگ