ورلڈ کپ سے باہر ہونے کے بعد ویرات کوہلی کا پہلا ٹوئٹ

آئی سی سی مینز ٹی ٹوئنٹی ورلڈ کپ سے باہر ہونے کے بعد بھارتی کرکٹ ٹیم کے کپتان ویرات کوہلی کا پہلا ٹوئٹ سامنے آگیا ہے۔

مائیکرو بلاگنگ سائٹ ٹوئٹر پر ویرات کوہلی نے ٹی ٹوئنٹی ورلڈ سے بھارتی ٹیم کے چند مناظر شیئر کیے ہیں۔

یہ تصاویر شیئر کرتے ہوئے ویرات کوہلی نے کہا کہ ’ایک ساتھ مل کر ہم اپنے مقصد کو حاصل کرنے کے لیے نکلے تھے لیکن بدقسمتی سے ہم پیچھے رہ گئے اور ہم سے زیادہ مایوس کوئی نہیں ہے۔‘

ویرات کوہلی نے بھارتی شائقین سے مخاطب ہوتے ہوئے کہا کہ  ’آپ سب کی حمایت شاندار رہی اور ہم اس کے لیے شکر گزار ہیں۔‘

آئی سی سی ٹی ٹوئنٹی ورلڈ کپ کی دوڑ سے باہر ہونے کے بعد بھارتی کرکٹ ٹیم کے کپتان ویرات کوہلی کو بھی ٹیم سے نکالنے کا امکان ہے۔

اُنہوں نے مزید کہا کہ ’ہم مضبوطی کے ساتھ واپس آنے کا ارادہ کریں گے۔‘

واضح رہے کہ پہلے میچ میں پاکستان کے ہاتھوں عبرتناک شکست سے دوچار ہونے ہوئی بھارتی ٹیم نے آئی سی سی مینز ٹی ٹوئنٹی ورلڈکپ 2021ء میں اپنے آخری گروپ میچ میں نمیبیا کو 9 وکٹوں سے ہرا کر ایونٹ کا اختتام جیت پر کر دیا۔

سابق بھارتی کرکٹر گوتم گھمبیر نے کہا ہے کہ صرف ایک خراب ٹورنامنٹ کی بنیاد پر بھارتی ٹیم کو پرکھنا نہیں چاہیے بلکہ شائقین کرکٹ کو کرکٹرز کو سپورٹ کرنا چاہیے۔

بھارتی ٹیم پہلے ہی ایونٹ سے آؤٹ ہوچکی تھی اور  گزشتہ روز اپنا آخری گروپ میچ کھیلنے کے بعد وطن روانہ ہوجائے گی۔

بشکریہ جنگ