ورلڈ کارپوریٹ گالف چیلنج پاکستان کپ: دوسرا مرحلہ اسلام آباد میں اختتام پذیر

چھٹے ورلڈ کارپوریٹ گالف چیلنج پاکستان کپ کا دوسرا مرحلہ اسلام آباد میں اختتام پذیر ہوگیا۔ 

اس مرحلے میں نارتھ ریجن کے مارگلہ گرین کلب میں 45 سے زائد ٹیموں نے شرکت کی۔

عمران احمد اور شاہد امان پر مشتمل ٹیم مائنس نائن اسکور کے ساتھ فاتح قرار پائی جبکہ راشد ملک اور شاہد ملک نے دوسری پوزیشن حاصل کی۔

اسی طرح حسن عباسی اور امتیاز غنی تیسرے نمبر پر رہے۔ 

چیف آف نیول اسٹاف ایڈمرل محمد امجد خان نیازی نے بطور مہمان خصوصی شرکت کی۔

خیال رہے کہ 3 ریجز میں سے ٹاپ کی 5، 5 ٹیمیں لاہور میں چیمپئن شپ کا فائنل کھیلیں گی جبکہ چیمپئن شپ کی فاتح ٹیم اسپین میں ہونے والے ورلڈ ایونٹ میں حصہ لے گی۔

بشکریہ جنگ