ورلڈ بلائنڈ گیمز کرکٹ ٹورنامنٹ، پاکستان کی مسلسل دوسری فتح

ورلڈ بلائنڈ گیمز کرکٹ ٹورنامنٹ میں پاکستان ٹیم نے مسلسل دوسری فتح حاصل کرلی۔ 

پاکستان نے دوسرے گروپ میچ میں بنگلادیش کو 7 وکٹ سے ہرادیا۔ قومی ٹیم نے 138 رنز کا ہدف 3 وکٹوں پر 12ویں اوور میں حاصل کرلیا۔

پاکستان کے ریاست خان نے شاندار نصف سنچری بنائی جبکہ بدر منیر نے بھی عمدہ بیٹنگ کا مظاہرہ کیا۔ 

ریاست خان نے ناقابل شکست 60 اور بدر منیر نے ناٹ آؤٹ 41 رنز بنائے۔ دونوں نے چوتھی وکٹ کےلیے ناقابل شکست 105 رنز کی شراکت بنائی۔

بنگلادیش نے اس سے قبل پہلے بیٹنگ کرتے ہوئے 6 وکٹوں پر 137 رنز بنائے۔ عارف حسین نے ناقابل شکست 60 رنز بنائے

پاکستان کے بدر منیر اور مطیع اللّٰہ نے دو دو کھلاڑیوں کو آؤٹ کیا۔

ایونٹ میں پاکستان کل صبح کے سیشن میں آسٹریلیا سے کھیلے گا، ورلڈ بلائنڈ گیمز کرکٹ میں پاکستان ٹیم دونوں میچز جیت کر گروپ میں سرفہرست ہے۔

بشکریہ جنگ