ورلڈ ایتھلیٹکس چیمپئن شپ فائنل بڑی اسکرین پر دکھانے کا فیصلہ
پنجاب کی نگراں حکومت نے ورلڈ ایتھلیٹکس چیمپئن شپ کا فائنل بڑی اسکرین پر دکھانے کا فیصلہ کیا ہے۔
واضح رہے کہ ورلڈ ایتھلیٹکس چیمپئن شپ کے فائنل میں پاکستان کے اولمپئن ارشد ندیم بھی نیزہ بازی کرتے نظر آئیں گے، جن سے قوم کو میڈل کی امیدیں ہیں۔
آج رات 11 بجے کے بعد ارشد ندیم چیمپئن شپ کے نیزہ بازی ایونٹ کے فائنل میں شریک ہونگے۔
فائنل میں ارشد ندیم کا بھارتی کھلاڑی نیرج چوپڑا اور جرمن کھلاڑی ویبر سمیت دیگر کھلاڑیوں سے سخت مقابلہ متوقع ہے۔
اس حوالے سے مشیر کھیل پنجاب وہاب ریاض نے کہا ہے کہ لبرٹی گول چکر پر بڑی اسکرین نصب کی جائے گی۔
وہاب ریاض نے کہا کہ ارشد ندیم پاکستان میں کھیلوں کی شان ہیں، پاکستانی قوم ارشد ندیم کی کامیابی کےلیے دعاگو ہے۔
کمشنر لاہور ڈویژن محمد علی نے کہا کہ شائقین لبرٹی گول چکر پر آکر ارشد ندیم کو سپورٹ کریں۔ قومی ہیروز کی پذیرائی ہم سب کا فرض ہے۔
انکا کہنا تھا کہ شہریوں کےلیے آج خصوصی اسکرین کا انتظام کر رہے ہیں۔
Comments are closed.