واپڈا ملازمین کو مفت بجلی کیخلاف درخواست پر 1 ماہ میں فیصلہ کرنے کی ہدایت

لاہور ہائی کورٹ نے واپڈا ملازمین کو بجلی کے مفت یونٹس دینے کے خلاف درخواست پر 1 ماہ میں فیصلہ کرنے کی ہدایت کر دی۔

لاہور ہائی کورٹ میں شہری کی جانب سے واپڈا ملازمین کو بجلی کے مفت یونٹس دینے کے خلاف دائر کی گئی درخواست پر جسٹس ساجد محمود سیٹھی نے سماعت کی۔

عدالت نے واپڈا کے فیڈرل سیکریٹری کو درخواست گزار کا مؤقف سن کر 1 ماہ میں فیصلہ کرنے کی ہدایت کر دی۔

دورانِ سماعت درخواست گزار نے اپنے مؤقف میں کہا کہ آرٹیکل 25 کے تحت تمام پاکستانی برابری کے حقوق رکھتے ہیں، واپڈا ملازمین کو بجلی کے مفت یونٹس دینا آئین کی خلاف ورزی ہے۔

بشکریہ جنگ