ن لیگ کے کارکن نے اپنی شادی پر انوکھا ہار تیار کروالیا

پاکستان مسلم لیگ ن کے کارکن نے اپنی شادی کےلیے انوکھا ہار تیار کروالیا، جو مریم نواز کو بھی پسند آگیا۔

پنجاب کے شہر لیہ میں مسلم لیگ ن کے کارکن نے اپنی شادی کو یادگار بنانے کا فیصلہ کیا اور اس موقع پر قیادت سے اپنی محبت کا اظہار بھی کیا۔

ن لیگی کارکن نے دلہا بننے پر جو ہار پہنا اس پر شریف خاندان کے افراد کی تصاویر بھی لگی ہوئی تھیں، جس سے شریف خاندان کے ساتھ اس کی محبت کا اندازہ لگایا جا سکتا ہے۔

پاکستان مسلم لیگ ن کی نائب صدر مریم نواز کو بھی اپنے کارکن کی شادی کا یہ ہار بہت پسند آیا، اور دلہا کی تصویر اپنے ٹوئٹر اکاؤنٹ پر شیئر کردی۔

مریم نواز نے اپنی پوسٹ میں کارکن کے لیے محبت اور خوشی کا اظہار کرتے ہوئے لکھا کہ ’لیہ سے مسلم لیگ ن کے اس جیالے کو شادی بہت بہت مبارک‘۔

رہنما مسلم لیگ ن نے تصویر شیئر کرتے ہوئے کارکن کے لیے محبت اور خوشی کے ایموجیز کا بھی استعمال کیا۔

بشکریہ جنگ