ن لیگ کےفیصلوں میں کوئی پختگی نہیں، فرخ حبیب

وفاقی وزیر مملکت برائے اطلاعات و نشریات فرخ حبیب نے کہا ہے کہ ن لیگ کے فیصلوں میں کوئی پختگی نہیں ہے، مریم صفدر کو کبھی شوکاز جاری نہیں ہوا۔

جیونیوز کے پروگرام ’کیپٹل ٹاک‘ میں ن لیگی رہنما محسن شاہنواز رانجھا، پی پی مولا بخش چانڈیو اور فرخ حبیب نے شرکت کی۔

فرخ حبیب نے کہا کہ ان کا مسئلہ یہ ہے کہ ان کے پاس انڈر 19 قیادت ہے، ن لیگ نے عوام کا کوئی بھلا نہیں کیا، اپنی جائیدادیں بنائیں۔

انہوں نے کہا کہ اپوزیشن ایک دوسرے کی اپوزیشن بنی ہوئی ہے، فضل الرحمٰن سارے معاملے میں سب سے بڑے بےروزگار ہیں۔

وزیراعظم عمران خان کے معاون خصوصی اور سابق وزیراعلیٰ سندھ ڈاکٹر ارباب غلام رحیم نے کہا ہے کہ ایکشن ہوگا تو چیخ و پکار ہمارے والے بھی کریں گے۔

مسلم لیگ ( ن ) کے سینئر رہنما محسن شاہنواز رانجھا نے کہا ہے کہ حکومت کو عوام نے ووٹ کی طاقت سے جواب دیا ہے۔

وزیر مملکت نے مزید کہا کہ فضل الرحمٰن اب شہباز شریف سے ملاقاتیں کر رہے ہیں، پی ڈی ایم سربراہ کو اندازہ نہیں ہے کہ شہباز شریف بھی ان کے ساتھ وہی کرسکتےہیں جو آصف زرداری نے کیا۔

اُن کا کہنا تھا کہ حکومت اپوزیشن کو سنجیدہ نہیں لیتی، فضل الرحمٰن کو چاہیے کہ وہ اپنے بیٹے سے کہیں کہ وہ استعفیٰ دے دے۔

اقتصادی رابطہ کمیٹی (ای سی سی) نے پاکستان سافٹ ویئر ایکسپورٹ بورڈ کے لیے 2 ارب کے سنگل لائن بجٹ کی منظوری دیدی۔

فرخ حبیب نے کہا کہ افغانستان کے معاملے پر وزیراعظم عمران کا وژن سچ ثابت ہوا، افغانستان کے معاملے کی حساسیت کا ہمیں ادراک ہے۔

بشکریہ جنگ