نیپرا اور کے الیکٹرک کا شیطانی اتحاد ہے: حافظ نعیم الرحمٰن

امیرِ جماعتِ اسلامی کراچی حافظ نعیم الرحمٰن کا کہنا ہے کہ نیپرا اور کے الیکٹرک کا شیطانی اتحاد ہے۔

پریس کانفرنس کرتے ہوئے امیرِ جماعتِ اسلامی کراچی حافظ نعیم الرحمٰن نے کہا کہ ایک مرتبہ پھر کے الیکٹرک نے لوڈشیڈنگ بڑھا دی ہے۔

ان کا کہنا ہے کہ ڈیمانڈ میں کمی کے باوجود بجلی کی لوڈشیڈنگ ہو رہی ہے، کے الیکٹرک اپنے پلانٹس نہیں چلا رہی لیکن بل پورا لیتی ہے۔

جماعت اسلامی کراچی کے امیر حافظ نعیم الرحمٰن کا کہناہے کہ بارش کی وجہ سے الیکشن ملتوی کرنا سمجھ میں نہ آنے والی بات ہے، میں سمجھتا ہوں کراچی کے ساتھ سازش ہو رہی ہے۔

حافظ نعیم الرحمٰن نے کہا کہ حکومت کے الیکٹرک اور دیگر کمپنیاں چلا رہی ہے، کے الیکٹرک کا لائسنس کیوں کینسل نہیں ہو رہا؟

ان کا مزید کہنا ہے کہ عارف نقوی سب کو مراعات سے نوازتے رہے، حکومت یا اپوزیشن کے الیکٹرک پر بات نہیں کر رہیں۔

امیرِ جماعتِ اسلامی کراچی حافظ نعیم الرحمٰن کا یہ بھی کہنا ہے کہ ایم کیو ایم نے بھی اپنا حصہ لے کر کے الیکٹرک کے خلاف نہ بولنے کا حلف لیا ہے۔

بشکریہ جنگ