نیویارک: مال بردار ٹرین نے پٹری پر کھڑے ٹرک کے پرخچے اڑا دیے

نیویارک کے علاقے ہیوراسٹرا میں ایک مال بردار ٹرین پٹری پر کھڑے ٹرک میں جا گھسی۔

یہ حادثہ جمعرات کی صبح پیش آیا جب غلط موڑ کاٹنے کی وجہ سے ٹرک ریل کی پٹری پر پھنس گیا۔

پولیس کے مطابق ٹرک ڈرائیور حادثے سے قبل ٹرک سے نکلنے میں کامیاب ہوگیا تھا۔

ٹرک قریبی علاقے میں موجود ایک فیکٹری کیلئے سامان لے کر جا رہا تھا جب وہ ریلوے ٹریک پر پھنس گیا۔

ٹوئٹر پر اس حادثے کی ویڈیو جاری کی گئی ہے جس میں دیکھا جاسکتا ہے کہ ٹرک سگنل بند ہونے کے باوجود کچھ آگے نکل چکا ہے اور ٹرین نے آکر اس کے پرخچے اڑا دیے۔

بشکریہ جنگ