نیشنل اسٹیڈیم میں پچز کی تیاری کا کام تیزی سے جاری

نیشنل اسٹیڈیم کراچی کی پچز کی تیاری کا کام تیزی سے جاری ہے، نندی پور کی مٹی اسٹیڈیم پہنچ گئی ہے، ایک وکٹ پر مکمل آسٹریلین مٹی بچھائی جائے گی۔

پاکستان کرکٹ بورڈ (پی سی بی) کے تحت ملک میں مختلف کرکٹ گراؤنڈ کی پچز کی اپ گریڈیشن کا سلسلہ جاری ہے، نیشنل اسٹیڈیم میں 13 پچز پر مشتمل اسکوائر پر کام تیزی سے جاری ہے جس کے لیے نندی پور کی مٹی نیشنل اسٹیڈیم پہنچادی گئی ہے۔

وکٹوں پر برمودہ ڈھاکہ گراس اور دیسی گراس بھی لگائی جارہی ہے، پچز کی اوپر کی سطح والی مٹی ناکارہ ہوچکی تھی جس کو نکال دیا گیا ہے۔

اسی طرح وکٹ نمبر تین کو مکمل خالی کر کے اس پر آسٹریلین مٹی بچھائی جائے گی، وکٹ نمبر چار کو جو پی سی بی کی ریسرچ کردہ مٹی ہے ڈال کر تیار کیا جائے گا جبکہ 11 پچز پر نندی پور کی مٹی بچھائی جائے گی۔

بشکریہ جنگ