نیدر لینڈز کی پرفارمنس نے قومی ٹیم مینجمنٹ پر پریشر ڈالا، حفیظ

سابق ٹیسٹ کرکٹر محمد حفیظ کا کہنا ہے کہ پہلے میچ کے پریشر کی وجہ سے دوسرے ون ڈے میں مکمل اسکواڈ کھلایا جو کہ دلچسپ ہے۔

محمد حفیظ نے ٹوئٹر پر پاکستان نیڈر لینڈز ون ڈے سیریز کے حوالے سے سوشل میڈیا پر دلچسپ تبصرہ کیا۔

حفیظ نے ٹوئٹ کیا کہ پاکستان کے مکمل دستیاب اسکواڈ کا 14 ویں رینک کی نیدر لینڈز ٹیم سے مقابلہ ہے۔

انہوں نے کہا کہ نیدر لینڈز کرکٹ ٹیم کو کریڈٹ جاتا ہے جس نے پہلے ون ڈے میچ میں جارحانہ اور مقابلے کی کرکٹ کھیلی۔

محمد حفیظ کا کہنا تھا کہ پہلے میچ میں نیدر لینڈز کی پرفارمنس نے پاکستان ٹیم مینجمنٹ پر پریشر ڈالا ہے۔

بشکریہ جنگ