نیب کا پروگرام مریم نواز کو گرفتار کرنا تھا، عظمی بخاری

مسلم لیگ نون کی رہنما عظمی بخاری کا کہنا ہے کہ نیب کا پروگرام مریم نواز کو گرفتار کرنا تھا، لیکن مریم نواز کو ہائیکورٹ سے ضمانت مل گئی۔

اپنے ایک بیان میں عظمی بخاری نے کہا کہ حکومت نیب کو اپنے مخالفین کو کچلنے کیلئے استعمال کر رہی ہے، نیب مریم نواز کو ڈرا دھمکا کر زبان بندی کرانا چاہتی تھی۔

انہوں نے کہا کہ ڈسکہ کے الیکشن کی تاریخ کو سپریم کورٹ نے ملتوی کیا ہے۔

‏اعلامیے کے مطابق نیب نے کورونا وائرس کی وجہ سے مریم نواز کی پیشی ملتوی کی ہے۔ نئی تاریخ کا اعلان بعد میں مناسب وقت پر کیا جائے گا۔

عظمی بخاری نے گزشتہ روز سامنے آنے والی وزیراعظم ہاؤس کی تصویر پر تبصرہ کرتے ہوئے کہا کہ وہاں کورونا ایس او پیز کی دھجیاں اڑ رہی ہیں۔

ان کا کہنا تھا کہ کورونا مثبت آدمی میڈیا ٹیم کو بلا کر خطاب کررہا ہے۔

بشکریہ جنگ