نہ مفاہمت نہ مزاحمت، صرف شفاف الیکشن، شہباز شریف کا مطالبہ

اپوزیشن لیڈر شہباز شریف نے کہا ہے کہ وہ مفاہمت یا مزاحمت نہیں، شفاف الیکشن اور قانون کی حکمرانی چاہتے ہیں۔

کراچی میں  مزار قائد پر میڈیا سے گفتگو میں صدر ن لیگ نے کہا کہ 2023 کے انتخابات شفاف ہونے چاہیئں، عوام جسے موقع دیں اسے ملک کی خدمت کا موقع ملنا چاہیے۔

قائد حزب اختلاف نے کہا کہ اگر اخلاص کا مظاہرہ ہوا تو سینٹ میں اس کالے قانون کی منظوری روکنا ممکن ہے۔

شہباز شریف نے کہا کہ ملکی تاریخ میں کسی جماعت کو اسٹیبلشمنٹ سے اتنی سپورٹ نہیں ملی جتنی اس حکومت کو ملی پھر بھی نالائق حکومت فائدہ نہیں اٹھاسکی۔

بشکریہ جنگ