نگراں وزیرِ قانون سندھ باز نہ آئے تو الیکشن کمیشن سے رجوع کرینگے: امتیاز شیخ

پاکستان پیپلز پارٹی (پی پی پی) کے رہنما امتیاز شیخ کا کہنا ہے کہ نگراں وزیرِ اعلیٰ مقبول باقر سیاسی سرگرمیوں سے نگراں وزیرِ قانون سندھ عمر سومرو کو باز رکھیں بصورت دیگر پیپلز پارٹی الیکشن کمیشن سے رجوع کرے گی۔

امتیاز شیخ نے کہا کہ عمر سومرو پیپلز پارٹی کے خلاف سرگرمیوں میں مصروف عمل ہیں۔

شکار پور اور جیکب آباد میں سرکاری افسران کی تقرری اُنہیں کی خواہش پر کی جا رہی ہے۔

نگراں وزیرِ قانون سندھ کی سانحۂ 9 مئی کی ذمے دار جماعت سے سیاسی وابستگی ڈھکی چھپی نہیں۔

بشکریہ جنگ