![](https://jang.com.pk/assets/uploads/updates/2023-11-28/b_1293993_084641_updates.jpg)
نگراں وزیرِ خارجہ جلیل عباس جیلانی کی نائب صدر یورپی پارلیمان ہیدی ہوتالا سے برسلز میں ملاقات ہوئی ہے۔
ملاقات میں دو طرفہ تعلقات، اقتصادی و تجارتی شراکت داری اور جی ایس پی پلس کے امور پر تبادلہ خیال کیا گیا۔
اس موقع پر نگراں وزیرِ خارجہ جلیل عباس جیلانی نے کہا کہ پاکستان یورپی یونین کے ساتھ دو طرفہ تعلقات کو خصوصی اہمیت دیتا ہے۔ یورپی یونین پاکستان کا انتہائی اہم تجارتی شراکت دار ہے۔
جلیل عباس جیلانی نے کہا کہ جی ایس پی پلس کا تسلسل اقتصادی و تجارتی تعلقات مزید مستحکم بنانے میں معاون ثابت ہوگا۔
دونوں فریقین نے یورپی یونین اور پاکستان کے مابین دو طرفہ تعلقات کو مستحکم بنانے کے عزم کا اظہار بھی کیا۔
Comments are closed.