نگراں وزیرِ اعلیٰ پنجاب نے ای رجسٹری ماڈل سینٹر کا افتتاح کر دیا

نگراں وزیرِ اعلیٰ پنجاب محسن نقوی نے ای رجسٹری ماڈل سینٹر کا افتتاح کر دیا۔

اس موقع پر میڈیا سے گفتگو کرتے ہوئے محسن نقوی نے کہا کہ لاہور میں ای رجسٹری سینٹر نے کام شروع کر دیا ہے۔

انہوں نے کہا کہ داتا دربار رجسٹریشن آفس کی صورت حال خراب تھی، عوام کو فراڈ سے بچانے کے لیے ٹھوس اقدامات کر رہے ہیں۔

محسن نقوی کا کہنا ہے کہ فی الحال تعلیمی اداروں کی چھٹیاں بڑھانے کا کوئی پلان نہیں، سردی کی شدت بڑھ گئی تو پھر دیکھیں گے۔

نگراں وزیر اعلیٰ پنجاب نے کہا کہ مجھے تنقید سے کوئی فرق نہیں پڑتا، تنقید کو لے کر بیٹھ جاتا تو کوئی کام نہیں کر سکتا۔

بشکریہ جنگ