نگراں وزیراعلیٰ پنجاب کا خواتین کیلئے سیفٹی ایپ فنکشنل کرنے کا حکم
نگراں وزیراعلیٰ پنجاب محسن نقوی نے خواتین کے لیے سیفٹی ایپ فنکشنل کرنے کا حکم دے دیا
لاہور میں محسن نقوی کی زیر صدارت اجلاس میں آئی جی کمپلینٹ 1787ہیلپ لائن کو بھی خواتین کے تحفظ کے لیے فعال بنانے کی ہدایت کی گئی۔
اس ایپلی کیشن کے ذریعے ہراسانی کا شکار خواتین ”میری آواز“ کا بٹن دبا کر فوری مدد حاصل کرسکیں گی۔
”میری آواز“ ایپ کو پنجاب بھر میں خواتین کی مدد کے لیے استعمال کیا جائے گا۔
پنجاب انفارمیشن ٹیکنالوجی بورڈ کی ایپ ”میری آواز“ استعمال میں آسان ترین ہوگی، اس کا مقصد کم از کم وقت میں پولیس کا تیز ترین رسپانس ہے۔
ایپ پر پنک بٹن دبانے پر قریب ترین پولیس ٹیم چند منٹ میں موقع پر پہنچ جائے گی۔
ہنگامی صورتحال کا شکار خاتون کا ڈیٹا خود کار نظام کے تحت متعلقہ تھانے پہنچ جائے گا۔
بشکریہ جنگ
Comments are closed.