نگراں حکومت نے گجرات ڈویژن پر نوازشات کی تفصیل مانگ لی
پنجاب کی نگراں حکومت نے سابق وزیراعلیٰ چوہدری پرویز الہٰی کے دور حکومت میں گجرات ڈویژن کے منصوبوں کی تفصیلات مانگ لیں۔
ذرائع کے مطابق نگراں صوبائی حکومت نے رپورٹ طلب کی اور استفسار کیا کہ پنجاب کے سرکاری خزانے سے گجرات ڈویژن پرکتنی نوازشات ہوئیں؟
ذرائع کے مطابق نگراں پنجاب حکومت نے گجرات ڈویژن کے منصوبوں پر جائزہ کمیٹی تشکیل دے دی، 3 رکنی کمیٹی سے 7 روز میں رپورٹ طلب کرلی گئی۔
ذرائع سول سیکریٹریٹ کے مطابق کمیٹی کے ارکان گجرات ڈویژن کا دورہ کرکے منظور شدہ فنڈز کا جائزہ لیں گے۔
ذرائع کے مطابق کمیٹی پرویز الہٰی کے گجرات ڈویژن کےلیے منظور شدہ فنڈز کے استعمال کا جائزہ لے گی۔
بشکریہ جنگ
Comments are closed.