نگران وزیراعلیٰ پنجاب نے نظریۂ پاکستان روڈ پر یوٹرن کا افتتاح کردیا
لاہور میں نگران وزیراعلیٰ پنجاب محسن نقوی نے نظریۂ پاکستان روڈ پر یوٹرن کا افتتاح کردیا۔
نگران وزیراعلیٰ محسن نقوی کا نظریۂ پاکستان روڈ پر پروٹیکٹیڈ یوٹرنز کے افتتاح کے بعد میڈیا سے گفتگو کرتے ہوئے کہنا تھا کہ 15دن میں نظریۂ پاکستان روڈ کا یوٹرن مکمل کرنے پر ڈی جی ایل ڈی اے اور ان کی ٹیم کو شاباش دیتا ہوں۔
انہوں نے بتایا کہ نظریۂ پاکستان روڈ کو مکمل طور پر سگنل فری کرنے کیلئے مزید دو یوٹرن بنائے جائیں گے۔
یونیورسٹیوں کے حوالے سے ایک سوال کا جواب دیتے ہوئے نگران وزیراعلیٰ کا کہنا تھا کہ پنجاب میں یونیورسٹیوں میں ہراسگی کے واقعات کی سدباب کیلئے خاتون صوبائی سیکرٹری کی سربراہی میں کمیٹی قائم کی جائے گی۔
انہوں نے کہا کہ طالبات کی پروٹیکشن کیلئے ہر یونیورسٹی میں خاتون پروفیسر کی سربراہی میں ہراسمنٹ سیل قائم ہوگا۔
بشکریہ جنگ
Comments are closed.