نڈا ڈار اور گیبی لوئس ٹی ٹوئنٹی سیریز جیتنے کیلئے پرُجوش

پاکستان ویمن کرکٹ ٹیم کی آل راؤنڈر ندا ڈار نے کہا ہے کہ آئرلینڈ کے خلاف پہلے ٹی ٹوئنٹی میچ کی وکٹ اچھی تھی، شروع سے معلوم تھا کہ یہ بیٹنگ وکٹ ہے۔

میچ کے بعد گفتگو کرتے ہوئے ندا ڈار نے کہا کہ آج کا میچ ہار گئے، غلطیوں سے سیکھیں گے اور اگلے میچز کے لیے ہم اچھا پلان کریں گے۔

ندا ڈار نے کہا کہ ٹی ٹوئنٹی سیریز بھی اپنے نام کریں گے۔

اس موقع پر آئرلینڈ ویمن کرکٹ ٹیم کی آل راؤنڈر گیبی لوئس نے کہا کہ پہلے ٹی ٹوئنٹی میچ میں ہم نے اچھا پرفارم کیا، یہی مومینٹم اگلے میچز میں بھی قائم رکھوں گی۔

گیبی لوئس نے کہا کہ تینوں میچز میں جیت اپنے نام کریں گے۔

ٹی ٹوئنٹی سیریز کے پہلے میچ میں پاکستان ویمن کرکٹ ٹیم کی آئرلینڈ کے خلاف بیٹنگ جاری ہے۔

آج لاہور میں کھیلے گئے ٹی ٹوئنٹی سیریز کے پہلے میچ میں آئرلینڈ ویمن کرکٹ ٹیم نے پاکستان ویمن کو 6 وکٹوں سے شکست دے کر 3 میچوں کی سیریز میں ایک صفر کی برتری حاصل کرلی ہے۔

واضح رہے کہ پاکستان ویمن کرکٹ ٹیم نے آئرلینڈ ویمن ٹیم کو تین ون ڈے میچز کی سیریز میں 0-3 سے کلین سوئپ کیا تھا۔

بشکریہ جنگ