نون لیگ میں کوئی دھڑے نہیں: خورشید شاہ

پاکستان پیپلز پارٹی کے سینئر رہنما اور سابق اپوزیشن لیڈر خورشید شاہ کا کہنا ہے کہ مسلم لیگ نون میں کوئی دھڑے نہیں، یہ ایک ہی ہے۔

سکھر میں میڈیا سے گفتگو کرتے ہوئے پاکستان پیپلز پارٹی کے سینئر رہنما اور سابق اپوزیشن لیڈر خورشید شاہ نے یہ بات کہی۔

پیپلز پارٹی کے رہنما خورشید شاہ نے پی ڈی ایم میں شمولیت کا اشارہ دیتے ہوئے کہا ہے کہ سیاست میں سب کچھ ممکن ہے، سیاست میں کوئی بھی فیصلہ آخری نہیں ہوتا۔

انہوں نے کہا کہ حکومت نے عوام پر جو مہنگائی کا عذاب ڈالا ہے اس میں کمی لانے کے لیے پارلیمنٹ کو طاقت ور بنانا پڑے گا۔

خورشید شاہ نے کہا کہ ہم چاہتے ہیں کہ ادارے مضبوط ہوں، پارلیمنٹ مضبوط ہو، ہمیں پارلیمنٹ کو طاقت ور بنانا ہے، اس سے سارے ادارے طاقت ور ہوں گے۔

سپریم کورٹ آف پاکستان نے آمدن سے زائد اثاثہ جات کیس میں پاکستان پیپلز پارٹی کے رہنما خورشید شاہ کی ضمانت کا مختصر فیصلہ جاری کر دیا۔

انہوں نے مزید کہا کہ حکومت کے خلاف اپوزیشن ایک پلیٹ فارم پر ہے، ہم سب ساتھ ہیں۔

پاکستان پیپلز پارٹی کے سینئر رہنما اور سابق اپوزیشن لیڈر کا یہ بھی کہنا ہے کہ پی ڈی ایم کے ساتھ جو بھی غلط فہمیاں ہیں وہ آہستہ آہستہ دور ہو جائیں گی۔

بشکریہ جنگ