نور مقدم قتل: تھراپی ورکس کے ملازمین کے وکلاء کو مہلت مل گئی

اسلام آباد ہائی کورٹ نے نور مقدم قتل کیس میں تھراپی ورکس کے ملازمین کی ضمانت منسوخی کی درخواست پر سماعت کرتے ہوئے وکلاء کو کیس کی تیاری کے لیے مہلت دے دی۔

اسلام آباد ہائی کورٹ نے نور مقدم قتل کیس میں ملزم ظاہر جعفر کے والدین ذاکر جعفر اور عصمت جعفر کی درخواستِ ضمانت پر سماعت کل تک ملتوی کر دی۔

جسٹس عامر فاروق نے طاہر ظہور اور دیگر 5 ملزمان کی ضمانت منسوخ کرنے کی درخواست پر سماعت کی۔

عدالت نے ملزمان کے وکلاء کی جانب سے کیس کی تیاری کے لیے مہلت کی استدعا منظور کر لی۔

اسلام آباد ہائی کورٹ میں نور مقدم قتل کیس میں ملزم ظاہر جعفر کے والدین کی درخواستِ ضمانت پر سماعت ہوئی جس میں ملزمان کے وکیل نے دلائل دیئے۔

ایڈیشنل سیشن جج نے 5، 5 لاکھ روپے کے مچلکوں پر 6 ملزمان کی ضمانت منظور کی تھی۔

مدعی نے ملزمان کی ضمانت کی منسوخی کے لیے اسلام آباد ہائی کورٹ سے رجوع کر رکھا ہے۔

بشکریہ جنگ