نواز شریف کی پارٹی رہنماؤں سے ضمنی انتخابات میں شکست پر مشاورت

پاکستان مسلم لیگ (ن) کے قائد نواز شریف نے پنجاب کے ضمنی انتخابات میں شکست پر پارٹی رہنماؤں سے مشاورت کی۔

ذرائع کا کہنا ہے کہ رپورٹ میں کہا گیا جن امیدواروں کو ٹکٹ دیا وہی شکست کا باعث بنے، موزوں امیدوار نہ ہونے کے باعث ووٹرز نے ووٹ نہیں ڈالا۔

لندن میں ہونے والے نواز شریف کی زیر قیادت اجلاس میں اسحاق ڈار، محسن نواز رانجھا، انوشہ رحمان اور سعود مجید نے شرکت کی، جبکہ پاکستان سے بھی مسلم لیگ ن کی سینئر قیادت اس اجلاس میں شریک تھی۔

ذرائع کے مطابق اجلاس میں ضمنی انتخابات میں ناکامی کی بڑی وجہ مہنگائی اور سخت فیصلوں کو قرار دیا گیا۔

اجلاس میں یہ بات بھی کی گئی کہ ضمنی انتخابات میں پارٹی رہنماؤں کو نظرانداز کرنا بھی شکست کی وجہ بنی۔

بشکریہ جنگ