نواز شریف کی وطن واپسی کی تاریخ پر اتفاق

سابق وزیراعظم اور مسلم لیگ ن کے قائد نواز شریف کی وطن واپسی کیلئے 15 اکتوبر کی تاریخ پر اتفاق ہوگیا۔

ذرائع کا کہنا ہے کہ نواز شریف کی وطن واپسی کی تاریخ پر اتفاق لندن میں شریف فیملی کے اجلاس میں ہوا۔

اس سے پہلے نواز شریف کی وطن واپسی ستمبر کے وسط میں طے کی گئی تھی۔

نواز شریف نے مزید کہا کہ ثاقب نثار نے یہ بھی کہا تھا کہ یہ ان لوگوں کا فیصلہ ہے، اب تو اندر سے گواہیاں آ رہی ہیں، جسٹس شوکت صدیقی باہر کے آدمی تو نہیں۔

شہباز شریف نے مشورہ دیا کہ نواز شریف ستمبر کے بجائے اکتوبر کے وسط تک پاکستان پہنچیں۔

ذرائع کا کہنا ہے کہ نواز شریف کی وطن واپسی پر بڑے جلسے کیے جائیں گے۔

دوسری جانب نواز شریف سے شہباز شریف، سینیٹر افنان اللّٰہ، سلیمان شہباز، و دیگر کی ملاقات ہوئی، جس میں پاکستان کی صورت حال پر غور کرنے کے ساتھ ساتھ سپریم کورٹ کے رویے پر بھی تبادلہ خیال کیا گیا۔

شہباز شریف نے شرکاء کو اپنی حکومت کی کارکردگی کے بارے میں آگاہ کیا، نواز شریف کی وطن واپسی سے متعلق بھی شرکاء نے اپنی رائے کا اظہار کیا۔

بشکریہ جنگ