نواز شریف کی زیرِ صدارت مسلم لیگ ن کا اجلاس، آئندہ کی حکمت عملی پر مشاورت

سابق وزیراعظم نواز شریف کی زیرِ صدارت پاکستان مسلم لیگ (ن) کا اجلاس ہوا جس میں آئندہ کی حکمت عملی پر مشاورت کی گئی۔ 

اس حوالے سے ترجمان مسلم لیگ (ن) مریم اورنگزیب نے کہا ہے کہ نواز شریف کی زیر صدارت مسلم لیگ ن کا اجلاس منعقد ہوا تھا۔ 

انھوں نے بتایا کہ اس اجلاس میں مریم نواز، حمزہ شہباز سمیت اسحاق ڈار، پرویز رشید، عرفان صدیقی، شاہد خاقان، احسن اقبال، سعد رفیق، خرم دستگیر، عطا تاڑر اور میاں جاوید لطیف ویڈیو لنک کے ذریعے شریک ہوئے۔ 

لیگی ترجمان کا کہنا تھا اس اجلاس میں ملک کی مجموعی صورتحال کا جائزہ لیا گیا۔

انھوں نے بتایا کہ اجلاس میں پارٹی کی آئندہ کی حکمت عملی پر مشاورت کی گئی۔

ان کا کہنا تھا کہ پارٹی کے اس اہم اجلاس میں پارٹی کے تنظیمی امور پر بھی غور کیا گیا۔

بشکریہ جنگ