نواز شریف کی حفاظتی ضمانت کی درخواستیں آج دائر ہونے کا امکان

نیب ریفرنسز میں سابق وزیرِ اعظم نواز شریف کی حفاظتی ضمانت کی درخواستیں آج دائر ہونے کا امکان ہے۔

نواز شریف ایون فیلڈ ریفرنس اور العزیزیہ اسٹیل ملز ریفرنس میں اشتہاری ہیں۔

ایون فیلڈ ریفرنس میں انہیں 10 سال قید اور جرمانے کی سزا سنائی گئی تھی۔

العزیزیہ اسٹیل ملز ریفرنس میں احتساب عدالت نے نواز شریف کو 7 سال قید اور جرمانے کی سزا سنائی تھی، ان کی سزا کے خلاف دونوں اپیلیں عدم پیروی پر مسترد ہو گئی تھیں۔

اسلام آباد ہائی کورٹ چیف جسٹس عامر فاروق اور جسٹس محسن اختر کیانی پر مشتمل بینچ نے اپیلیں خارج کی تھیں۔

توشہ خانہ ریفرنس میں بھی احتساب عدالت نے نواز شریف کو اشتہاری قرار دے رکھا ہے، تینوں ریفرنسز میں حفاظتی ضمانت کی درخواستیں دائر کیے جانے کا امکان ہے۔

درخواستوں میں نواز شریف کو ایئر پورٹ پر گرفتاری سے روکنے کی استدعا کی جائے گی اور سرینڈر کرنے کے لیے ہائی کورٹ آنے کی پروٹیکشن مانگی جائے گی۔

بشکریہ جنگ