نواز شریف کی تاحیات نااہلی کا معاملہ جلد حل ہو جائے گا، اعظم نذیر تارڑ

وفاقی وزیر قانون اعظم نذیر تارڑ کا کہنا ہے کہ نواز شریف کی تاحیات نااہلی کا معاملہ جلد حل ہو جائے گا۔

حافظ آباد میں میڈیا سے گفتگو کرتے ہوئے اعظم نذیر تارڑ نے کہا کہ مسجد نبویﷺ میں ہونے والا واقعہ قابل افسوس ہے، واقعہ کے مقدمات ریاست پاکستان کی طرف سے درج نہیں کیے گئے۔ وزارت قانون اس سارے واقعہ کا جائزہ لے رہی ہے۔

بابر اعوان نے کہا کہ مے فیئر اور ایون فیلڈ اپارٹمنٹس بھی ضبط ہوں گے، نیب کے جرائم نا قابل معافی نامہ، نان کمپاؤنڈ ایبل ہیں۔

اعظم نذیر تارڑ نے کہا کہ عمران خان کو لانگ مارچ سے قبل اپنی غلطیوں اور کوتاہیوں پر نظر ڈالنی چاہیے۔

وزیر قانون نے کہا کہ پی ٹی آئی کی حکومت کو آئینی طریقے سے ختم کیا گیا، پی ٹی آئی حکومت کے کرپشن کے اسکینڈل سامنے آرہے ہیں۔

اعظم نذیر تارڑ نے کہا کہ بعض لوگ آئین سے زیادہ اپنے پارٹی لیڈر کو اہمیت دے رہے ہیں۔

بشکریہ جنگ