نواز شریف سے اسحاق ڈار میر ی شکایتیں لگاتے تھے، مفتاح اسماعیل

سابق وفاقی وزیر خزانہ مفتاح اسماعیل نے کہا ہے کہ نواز شریف سے اسحاق ڈار میری شکایتیں لگاتے تھے۔

ایک انٹرویو میں مفتاح اسماعیل نے شاہد خاقان عباسی کے بعد نئی پارٹی کی تشکیل کا اشارہ دے دیا۔

انہوں نے کہا کہ اس وقت ملک میں نئی جماعت کی گنجائش موجود ہے کیوں کہ پہلے سے موجود سیاسی جماعتیں ڈیلیور نہیں کرپائیں۔

سابق وفاقی وزیر نے مزید کہا کہ پہلے انہوں نے اور پھر شہباز شریف نے ملک کو ڈیفالٹ سے بچایا۔

اُن کا کہنا تھا کہ اسحاق ڈار نے ان کے خلاف ٹی وی پروگرامز کروائے، بیانات جاری کروائے، کیوں کہ انہیں وزیر بننے کا جنون تھا۔

مفتاح اسماعیل نے یہ بھی کہا کہ اسحاق ڈار ان کے کالمز اور ٹی وی پروگرامز میں کی گئی گفتگو پر نواز شریف کو شکایتیں لگاتے تھے۔

بشکریہ جنگ