ننھے بہن بھائی کے خوبصورت تاثرات کی ویڈیو وائرل

ننھی بہن کو پہلی بار چلتے ہوئے دیکھ کر بھائی کے خوبصورت تاثرات کی ایک ویڈیو ان دنوں مائیکرو بلاگنگ ویب سائٹ ٹوئٹر پر تیزی سے وائرل ہو رہی ہے۔

سوشل میڈیا پر وائرل ہونے والی اس ویڈیو میں دیکھا جاسکتا ہے کہ ایک بڑا بھائی اپنی چھوٹی بہن کو پہلی بار چلتے ہوئے دیکھ کر ہکّا بکّا رہ جاتا ہے۔

اگرچہ ننھی بچی چند قدم لینے کے بعد گرجاتی ہےلیکن ننھی بہن کو چلتا ہوا دیکھ کر بھائی کی خوشی کا کوئی ٹھکانہ نہیں رہتا، اسی دوران 16 سیکینڈ کی ویڈیو میں ننھے بہن بھائی کی خوبصورت یاد کو ریکارڈ کرلیا گیا۔

سوشل میڈیا پر شیئر ہونے والی اس ویڈیو کو اب تک 20 ہزار سے زائد صارفین نے دیکھا اور پسند کیا ہے۔

سوشل میڈیا صارفین کا کہنا ہے کہ بہن بھائی کا رشتہ مختلف ہوتا ہے یہ لڑتے بھی ہیں اور ایک دوسرے کی چھوٹی چھوٹی خوشی اور کامیابیوں پر خوش بھی ہوتے ہیں جیسا کہ اس ویڈیو میں دیکھا جاسکتا ہے۔

بشکریہ جنگ