نسیم شاہ کا شائقین کو کراچی اسٹیڈیم میں صبح دیکھ کر حیران

پاکستان کرکٹ ٹیم کے فاسٹ بولر نسیم شاہ صبح صبح کراچی اسٹیڈیم پہنچنے والے شائقین کو دیکھ کر حیران ہوئے اور ان سے دلچسپ سوال بھی کر ڈالا۔ 

نسیم شاہ نے نیشنل اسٹیڈیم کراچی میں آئے ہوئے شائقین کرکٹ سے سوال کیا کہ کراچی کے لوگوں کی صبح اتنی جلدی کیسے ہوگئی؟

سوشل میڈیا پر نسیم شاہ کی ایک ویڈیو وائرل ہو رہی ہے جس میں میچ دیکھنے کے لیے آنے والے شائقین کرکٹ کی جانب سے نسیم شاہ سے تصویر کی خواہش کا اظہار کرتے دیکھا گیا۔

جس کے جواب میں نسیم نے کہا  کہ میری بات سنو، کراچی والوں کی صبح اتنی جلدی کیسے ہوگئی؟ جس پر شائقین نسیم کو بتاتے ہیں کہ نسیم بھائی آپ کی محبت میں آئے ہیں۔

مداحوں کی بات سن کر نسیم ہنستے ہوئے پوچھتے ہیں کہ محبت میں آئے ہیں یا اسکول چھوڑ کر آئے ہیں؟

جس  کے جواب میں لڑکے ہنستے ہوئے بتاتے ہیں کہ ہم اسکول چھوڑ کر میچ دیکھنے کے لیے آئے ہیں۔

بشکریہ جنگ