نسلہ ٹاور گرانے کا کام 3 شفٹوں میں جاری

کراچی میں سپریم کورٹ آف پاکستان کے حکم پر رہائشی عمارت نسلہ ٹاور کو گرانے کا کام دن رات 3 شفٹوں میں جاری ہے۔

ذرائع نے بتایا ہے کہ نسلہ ٹاور کی بالائی منزل کو ہیوی مشنری سے توڑنے کا کام اس وقت جاری ہے، عمارت کو گرانے کا کام 3 شفٹوں میں ہو رہا ہے۔

شارعِ فیصل سے شارعِ قائدین جانے والی سڑک کو کسی ناخوش گوار واقعے سے بچنے کے لیے ٹریفک کے لیے بند کیا گیا ہے۔

کراچی میں سپریم کورٹ آف پاکستان کے حکم پر مسمار کی جانے والی بلند و بالا رہائشی عمارت نسلہ ٹاور کے اطراف دفعہ 144 کے تحت 4 افراد سے زائد کے جمع ہونے پر پابندی لگا دی گئی۔

سپریم کورٹ آف پاکستان کے احکامات پر نسلہ ٹاور کو گرانے کا کام شروع کر دیا گیا ہے، جس کی وجہ سے شارع فیصل سے شاہراہِ قائدین جانے والا راستہ بند کر دیا گیا ہے۔

نسلہ ٹاور کے اطراف دفعہ 144 کے تحت 4 سے زائد افراد کے جمع ہونے پر پابندی بھی عائد ہے۔

نسلہ ٹاور کے باہر بلڈرز اور متاثرین کے احتجاج کے بعد پیدا ہونے والی صورتِ حال پر ڈی سی ایسٹ نے کمشنر کراچی سے دفعہ 144 لگانے کی درخواست کی تھی۔

پابندی کا اطلاق نسلہ ٹاور مکمل مسمار ہونے کے تک برقرار رہے گا۔

بشکریہ جنگ