نسلہ ٹاور تاحال سرکاری تحویل میں نہیں لیا گیا

کراچی میں نسلہ ٹاور کو تاحال سرکاری تحویل میں نہیں لیا گیا، رہائشیوں کو عمارت خالی کرنے کے لئے دی جانے والی مہلت بھی ختم ہوچکی ہے۔

نسلہ ٹاور کے رہائشیوں کو عمارت خالی کرنے کے لئے دی گئی مہلت گزشتہ روز ختم ہوچکی ہے ۔

کراچی میں قائم نسلہ ٹاور کو خالی کرنے کی مدت کا آج آخری روز ہے، عمارت میں ابھی بھی افراد رہائش پذیر ہیں، آہستہ آہستہ سامان کی منتقلی جاری ہے، رہائشیوں نے عدالت سے اپیل کی ہے کہ مکینوں کو معاوضہ دیئے بغیر عمارت نہ گرائی جائے۔

نسلہ ٹاور کو سرکاری تحویل میں لینے کے بعد گرانے کا عمل شروع کیا جائے گا۔

نسلہ ٹاور میں مکین تاحال رہائش پذیر ہیں لیکن سامان کی منتقلی کا عمل بھی جاری ہے، مختلف سیاسی اور سماجی رہنمائوں کا بھی نسلہ ٹاور کے رہائشیوں سے اظہار ہمدردی کے لئے آنے کا سلسلہ جاری ہے۔

بلڈنگ کے یوٹیلٹی کنکشنز منقطع کیے جاچکے ہیں، کمشنرکراچی آفس نے کنٹرولڈ بلاسٹنگ سے عمارت کو گرانے کے لئےاشتہار دے دیا گیا ہے۔

اشتہار میں دلچسپی رکھنے والی کمپنیز کو 3 روز میں تفصیلات جمع کرانے کا کہا گیا ہے۔

بشکریہ جنگ