نجی ایئر لائن کا طیارہ حادثے سے بال بال بچ گیا

کراچی سے پشاور جانے والی نجی ایئر لائن کی پرواز لینڈنگ سے کچھ دیر پہلے ہوا کے جھکڑوں میں پھنس گئی۔

تیز ہوا کے باعث پرواز کے مسافروں میں خوف و ہراس پھیل گیا۔ مسافروں کی ایک دوسرے کو تسلیاں دینے کی وڈیو سامنے آگئی۔

رپورٹس کے مطابق طیارہ فضا میں کئی چکر لگانے کے بعد بحفاظت لینڈ ہونے میں کامیاب رہا۔

نجی ایئرلائن کے ترجمان کا کہنا ہے کہ موسم خراب ہونے کے باعث پرواز کو مشکلات کا سامنا کرنا پڑا تھا، تاہم پشاور اور کراچی کے درمیان پروازیں نارمل چل رہی ہیں۔

دوسری جانب لاہور سے دبئی جانے والی پرواز سے ٹیک آف کے بعد پرندہ ٹکرا گیا، پائلٹ نے جہاز بحفاظت اتارلیا۔

بشکریہ جنگ