ناظم آباد میں شہری نے اسٹریٹ کرائم کی واردات ناکام بنادی

کراچی کے علاقے ناظم آباد میں شہری نے اسٹریٹ کرائم کی واردات ناکام بنادی، واقعے کی سی سی ٹی وی ویڈیو بھی سامنے آگئی ہے۔

ویڈیو میں دیکھا جا سکتا ہے کہ ڈلیوری بوائے ایک گھر کے باہر کھڑا تھا کہ موٹر سائیکل سوار ملزم آتا ہے، ملزم نے اسلحے کے زور پر ڈلیوری بوائے سے موبائل اور دیگر اشیاء چھینیں۔

اسی دوران ڈلیوری بوائے نے ملزم کو پکڑ لیا اور اس سے گتھم گتھا ہوگیا، ڈیلیوری بوائے نے ملزم کا اسلحہ چھینا، جس کے بعد ملزم وہاں سے پیدل ہی فرار ہوگیا۔

بشکریہ جنگ