نارتھ کراچی:1 شخص کی گلے میں پھندا ڈال کر خودکشی

کراچی کے علاقے نارتھ کراچی میں ایک شخص نے گلے میں پھندا ڈال کر مبینہ طور پر خودکشی کر لی۔

ریسکیو ذرائع کے مطابق نارتھ کراچی سیکٹر 5 سی ون کے گھر سے پھندا لگی ایک شخص کی لاش برآمد ہوئی ہے۔

ریسکیو ذرائع نے بتایا کہ متوفی کی شناخت 34 سالہ مصباح الدین کے نام سے ہوئی ہے جس کی لاش عباسی شہید اسپتال منتقل کر دی گئی ہے۔

علاقہ پولیس اس حوالے سے تمام پہلوؤں سے واقعے کی تفتیش کر رہی ہے۔

بشکریہ جنگ