میں آج بھی عمر شریف کی روٹی کھاتا ہوں، ساحر لودھی

پاکستان شوبز انڈسٹری سے وابستہ میزبان ساحر لودھی نے اپنے حالیہ انٹرویو میں انکشاف کیا ہے کہ وہ ہر جمعرات عامر لیاقت اور عمر شریف سے ملنے عبداللہ شاہ غازی کے مزار جاتے ہیں جہاں دونوں دفن ہیں۔

گزشتہ دنوں نجی چینل کے پروگرام میں شرکت کرتے ہوئے ساحر لودھی نے مرحوم ڈاکٹر عامر لیاقت اور عمر شریف سے اپنے گہرے تعلقات کا تذکرہ کیا اور کہا کہ عمر شریف میرے استاد ہیں، میں آج بھی عمر شریف کی روٹی کھاتا ہوں۔

میزبان نے مزید کہا کہ انہوں نے مرحوم معین اختر اور عمر شریف سے کام سیکھا ہے۔

انہوں نے اپنے ایک بہترین شو کا حوالہ دیتے ہوئے کہا کہ عمر شریف نے میرا پروگرام دیکھ کر مجھے فون کیا اور میرے پروگرام کی تعریف کی اور بطور تحفہ 1 ہزار روپے کا نوٹ بھی دیا۔

بشکریہ جنگ