میگھن مارکل تیسری بار امید سے ہیں؟

برطانوی خاندان سے علیحدگی اختیار کرنے والے شہزادہ ہیری اور ان کی اہلیہ میگھن مارکل کے ایک بار پھر والدین بننے کے حوالے سے خبریں گردش کر رہی ہیں۔

تاہم میگھن مارکل کو حال ہی میں لاس اینجلس کے ایک کلب میں شہزادہ ہیری کے ہمراہ آتے ہوئے دیکھا گیا جہاں انہوں نے بیگی لباس زیب تن کیا ہوا تھا۔

واضح رہے کہ میڈیا رپورٹس کے مطابق گزشتہ برس شہزادہ ہیری اور میگھن مارکل کے قریبی ذرائع نے اس بات کی تصدیق کی تھی کہ یہ دونوں اب خاندان کو مزید بڑھانے کے بارے میں سوچ رہے ہیں۔

اس سے قبل شہزادہ ہیری اور میگھن مارکل کے دو بچے ایک بیٹا آرچی اور ایک بیٹی للیبیٹ ہیں جبکہ میگھن مارکل کی خواہش ہے کہ ان کے یہاں تیسرا بچہ بیٹا ہو۔

واضح رہے کہ یہ خبر اس وقت سامنے آرہی ہے جب شہزادہ ہیری اور میگھن مارکل کو ونڈسر کیسل میں واقع گھر فروگمور کاٹیج خالی کرنے کا کہہ دیا ہے۔

خیال رہے کہ شاہ چارلس شہزادہ ہیری کی انتہائی متنازع اور الزامات سے بھری کتاب سامنے آنے کے بعد ان سے ناراض ہیں اور رواں سال مئی میں تاجپوشی کے بعد اس جوڑے کو گھر خالی کرنے کا کہہ دیا ہے۔

واضح رہے کہ شاہی جوڑے نے اس حوالے سے ابھی خاموشی اختیار کی ہوئی ہے تاہم میڈیا رپورٹس کے مطابق جلد تیسرے بچے کی توقع کی یہ خوش خبری شاہی خاندان کے مداحوں کے ساتھ شیئر کریں گے۔

بشکریہ جنگ