میڈیکل طلباء کا امتحان دوبارہ لینے سے معاملہ حل ہو گا: فیصل سبزواری
متحدہ قومی موومنٹ (ایم کیو ایم) پاکستان کے رہنما و سینیٹر فیصل سبزواری کا کہنا ہے کہ میڈیکل طلباء کا امتحان دوبارہ لینے سے ہی ان کا معاملہ حل ہو گا۔
سینیٹ اجلاس میں اظہارِ خیال کرتے ہوئے متحدہ قومی موومنٹ (ایم کیو ایم) پاکستان کے رہنما و سینیٹر فیصل سبزواری نے یہ بات کہی ہے۔
انہوں نے مزید کہا کہ این سی او سی نے کہا ہے کہ جو کورونا وائرس کی ویکسین نہ لگوائیں اسے پکڑیں، کراچی میں تو پولیس گردی شروع ہو گئی ہے۔
سینیٹر فیصل سبزواری کا مزید کہنا ہے کہ پولیس لوگوں کو گرفتار کر رہی ہے، انہیں ضمانت کرانی پڑ رہی ہے۔
ایم کیو ایم پاکستان کے رہنما نے مطالبہ کیا ہے کہ ایف بی آر انکم ٹیکس ریٹرنز فائل کرنے کی تاریخ میں توسیع کرے۔
بشکریہ جنگ
Comments are closed.