میچ کے بعد پاکستان اور بھارتی ٹیم کی کھلاڑی گھل مل گئیں

پاکستان اور بھارت کی ویمن ٹیموں کی کھلاڑیوں نے کیپ ٹاؤن میں میچ کے بعد ملاقات کی، دونوں ٹیموں کی پلئیرز خوشگوار موڈ میں نظر آئیں۔

دونوں ٹیموں کی کھلاڑیوں نے ورلڈ کپ میچ میں ایک دوسرے کے کھیل کو سراہا۔

پاکستان ٹیم کی نائب کپتان ندا ڈار نے اپنی شرٹ بھارتی کپتان ہرمن پریت کور کو دی۔

بھارتی کپتان ہرمن پریت کور نے بھی اپنی شرٹ ندا ڈار کو پیش کی۔

پاکستان ویمن کرکٹ ٹیم نے آج صبح نیولینڈز میں ہونے والا پریکٹس سیشن منسوخ کر دیا ہے۔

واضح رہے کہ گزشتہ روز آئی سی سی ویمن ٹی ٹوئنٹی ورلڈ کپ میں بھارت نے پاکستان کو 7 وکٹوں سے شکست دی تھی۔

پاکستان ٹیم ٹی ٹوئنٹی ورلڈ کپ میں اپنا دوسرا میچ آئرلینڈ کے خلاف 15 فروری کو نیولینڈز میں کھیلے گی۔

بشکریہ جنگ