میانوالی؛ پولیس اہلکار کو تھپڑ مارنے پر پی ٹی آئی رہنما پر مقدمہ

میانوالی میں ہفتے کے روز جلسہ گاہ میں داخل ہوتے ہوئے پولیس اہلکار کو تھپڑ مارنے کے الزام میں پاکستان تحریک انصاف (پی ٹی آئی) کے رہنما امیر خان سوانسی کے خلاف مقدمہ درج کرلیا گیا۔

ڈسٹرکٹ پولیس آفیسر (ڈی پی او)  کا کہنا ہے کہ پروٹو کول کے مطابق اہلکار نے پی ٹی آئی رہنما کو تلاشی کے لئے روکا تھا، تحقیقات کے بعد امیر خان سوانسی کے خلاف مقدمہ درج کیا گیا۔

دوسری جانب پاکستان تحریک انصاف (پی ٹی آئی) رہنما امیرخان کا کہنا ہے کہ کسی اہلکار کو تھپڑ نہیں مارا، تلاشی دیکر جلسہ گاہ میں داخل ہوا، مقدمہ سیاسی طور پر درج کیا گیا۔

خیال رہے کہ پی ٹی آئی رہنما نے میانوالی جلسہ گاہ میں تلاشی کے لیے روکنے پر پولیس اہلکار کو تھپڑ مارا تھا۔

وزیر اعظم عمران خان کا کہنا ہے کہ پاکستان کے عوام کا پیسہ لوٹ کر باہر لے جانےوالوں سے مفاہمت نہیں کرینگے، جنہوں نے اقتدار میں آکر پیسہ چوری کیا ان سے نہ مفاہمت ہوگی اور نہ ہی انہیں این آر او دیں گے

وزیراعظم عمران خان نے میانوالی میں میانوالی تا سرگودھا دو رویہ سڑک کا افتتاح کیا تھا اور کہا تھا کہ پاکستان کے عوام کا پیسہ لوٹ کر باہر لے جانے والوں سے مفاہمت نہیں کرینگے، جنہوں نے اقتدار میں آکر پیسہ چوری کیا ان سے نہ مفاہمت ہوگی اور نہ ہی انہیں این آر او دیں گے۔

بشکریہ جنگ