مہنگائی 2 سال کی بلند ترین سطح پر پہنچ گئی

ادارۂ شماریات نے مہنگائی سے متعلق ماہانہ رپورٹ جاری کر دی جس کے مطابق ملک میں مہنگائی 2 سال کی بلند ترین سطح پر پہنچ گئی۔

ادارۂ شماریات کے مطابق گزشتہ ماہ جنوری میں مہنگائی کی شرح 12 اعشاریہ 96 فیصد پر پہنچ گئی، جنوری میں مہنگائی میں ماہانہ بنیادوں پر 0 اعشاریہ 39 فیصد اضافہ ہوا۔

جولائی تا جنوری مہنگائی کی اوسط شرح 10 اعشاریہ 26 فیصد رہی، دسمبر 2021ء میں مہنگائی کی شرح 12 اعشاریہ 3 فیصد تھی،جبکہ جنوری 2021ء میں مہنگائی کی شرح 5 اعشاریہ 7 فیصد تھی۔

اسلام آباد ستمبر میں مہنگائی کی شرح 8.98 فیصد رہی ، 30…

ادارہ شماریات نے بتایا کہ گزشتہ ماہ جنوری میں سالانہ بنیادوں پر کوکنگ آئل 54 اعشاریہ 33 فیصد، گھی 47 اعشاریہ 4 فیصد، دال مسور 41 اعشاریہ 3 فیصد مہنگی ہوئی۔

سالانہ بنیادوں پر سبزیاں اور چکن بھی مہنگے ہوئے، پھل 28 اعشاریہ 35 فیصد مہنگے ہوئے۔

ماہانہ بنیادوں پر گندم 2 اعشاریہ 68 فیصد، گوشت 1 اعشاریہ 78 فیصد، پھل 4 اعشاریہ 11 فیصد، دال مسور 6 اعشاریہ 13 فیصد اور دال چنا 3 اعشاریہ 37 فیصد مہنگی ہوئی۔

جنوری میں سالانہ بنیادوں پر بجلی چارجز 56 اعشاریہ 20 فیصد بڑھے، موٹر فیول کی قیمت میں 36 اعشاریہ 22 فیصد اضافہ ہوا، پلاسٹک کی مصنوعات 11 اعشاریہ 72 فیصد مہنگی ہوئیں، ریڈی میڈ گارمنٹس 13 اعشاریہ 03 فیصد مہنگے ہوئے۔

بشکریہ جنگ