مکہ کے تجارتی مراکز میں نماز کی جگہ کا انتظام نہ کرنے پر جرمانے کا فیصلہ

مکہ مکرمہ میں حکام نے خبردار کیا ہے کہ تجارتی مراکز میں نماز کی جگہ کا انتظام نہ کرنے پر ایک ہزار ریال تک جرمانہ ہو گا۔

سعودی میڈیا کے مطابق مکہ میونسپلٹی نے بلدیاتی خلاف ورزیوں کے جرمانوں کے نئے چارٹ پر عمل درآمد شروع کر دیا ہے جس میں خلاف ورزیوں کے چارٹ میں متعدد امور کی نشاندہی کی گئی ہے۔

میونسپلٹی حکام کا کہنا ہے کہ تجارتی مراکز میں مصلوں، واش رومز اور وضو کی جگہ کے قواعد و ضوابط کی پابندی نہ کرنے پر ایک ہزار ریال تک کا جرمانہ ہو گا۔

 تاہم اس سے قبل انہیں 14 دن کی مہلت دی جائے گی۔ خلاف ورزی دہرانے پر جرمانہ دگنا کیا جا سکتا ہے۔

بشکریہ جنگ