موٹر سائیکل سوار خاتون کے سر پر ناریل آ گرا

سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ 2 خواتین مرکزی سڑک پر موٹر سائیکل پر سوار اپنی منزل کی طرف جا رہی ہیں کہ ایک کے سر پر ناریل آ گرتا ہے۔

جیسے ہی ان کا سڑک کنارے موجود ناریل کے درخت کے پاس سے گزر ہوتا ہے ان پر ناریل آ گرتا ہے۔

یہ ناریل موٹر سائیکل پر پیچھے بیٹھی خاتون کے سر پر لگتا ہے اور وہ سڑک پر گر جاتی ہیں۔

خوش قسمتی سے ہیلمٹ پہننے کے باعث وہ بچ جاتی ہیں، ورنہ ناریل تیزی سے سر پر لگنے سے ان کی موت بھی واقع ہو سکتی تھی۔

بشکریہ جنگ