مون سون ہوائیں کل سے سندھ پر اثر انداز ہونگی

مون سون ہوائیں سندھ پر کل سے اثر انداز ہو سکتی ہیں، تیز ہواؤں اور گرج چمک کے ساتھ کہیں کہیں تیز بارش بھی ہو سکتی ہے۔

محکمۂ موسمیات کے مطابق مون سون سسٹم کے زیرِ اثر تھر پارکر، عمر کوٹ، سانگھڑ اور بدین میں 22 سے 25 ستمبر کے دوران بارشوں کا امکان ہے۔

عالمی ماہرِ موسمیات جیسن نکولس کا کہنا ہے کہ رواں ہفتے پاکستان کے علاوہ وسطی اور شمال مغربی بھارت کے مختلف مقامات پر بھی بارش کا سلسلہ جاری رہے گا۔

کراچی، حیدر آباد، ٹھٹھہ، سکھر، لاڑکانہ، دادو، نواب شاہ، خیر پور، جیکب آباد، شکار پور، جامشورو میں 23 سے 25 ستمبر تک بارش کا امکان ہے۔

شہرِ قائد میں آج اور کل مطلع جزوی ابر آلود رہنے اور بوندا باندی کا امکان ہے۔

بشکریہ جنگ