![](https://jang.com.pk/assets/uploads/updates/2022-04-03/b_1069824_122214_updates.jpg)
وزیرِ اعلیٰ پنجاب کے انتخاب کے لیے جوڑ توڑ جاری ہے، ایسے میں وفاقی وزیر اور مسلم لیگ ق کے رہنما مونس الہٰی نے اپنے والد پرویز الہٰی کو وزیرِ اعلیٰ بنانے کے حوالے سے ایک اور بڑی کامیابی حاصل کر لی۔
مونس الہٰی نے علیم خان گروپ کے مزید 3 ارکان توڑ لیے ہیں۔
علیم خان گروپ کے ان ارکانِ اسمبلی میں اشرف رند، عون ڈوگر اور علمدار قریشی شامل ہیں۔
مونس الہٰی علیم خان گروپ کے ان تینوں ارکان کو لے کر پنجاب اسمبلی پہنچ گئے۔
علیم خان گروپ کے یہ تینوں ارکان پرویز الہٰی کو ووٹ دیں گے۔
علیم خان گروپ کے 2 ارکان خرم لغاری اور اویس دریشک اسی سلسلے میں گزشتہ رات پرویز الہٰی سے ملے تھے۔
Comments are closed.