مونس الہٰی کی اہلیہ کا پی این آئی میں نام ڈالنے کا اقدام چیلنج

لاہور ہائیکورٹ میں مونس الہٰی کی بیوی نے بیرون ملک جانے سے روکنے کی لسٹ میں نام ڈالنے کا اقدام چیلنج کر دیا۔

درخواست میں کہا گیا ہے کہ منی لانڈرنگ کے الزام پر 5 جنوری کو ایف آئی اے کی جانب سے طلبی کا نوٹس ملا، وقت کی کمی کی وجہ سے 6 جنوری تک جواب نہیں دے سکیں۔

مونس الہٰی کی اہلیہ نے کہا کہ خاوند اور سسر کے پی ٹی آئی کو دھوکا دینے سے انکار پر انتقامی کارروائی کی جا رہی ہے۔

درخواست میں مزید کہا گیا کہ بدنیتی کا مظاہرہ کرتے ہوئے نام (پرویژنل نیشنل آئیڈینٹیفکیشن لسٹ) پی این آئی ایل میں ڈالا گیا ہے، بیرون ملک سفر کرنے کی اجازت دی جائے۔

بشکریہ جنگ