موزمبیق اور سوئٹرزلینڈ پہلی بار اقوام متحدہ کی سلامتی کونسل کے رکن بن گئے

افریقی ملک موزمبیق اور یورپی ملک سوئٹرزلینڈ پہلی بار اقوام متحدہ کی سیکیورٹی کونسل کے رکن بن گئے۔

دونوں ممالک کے نمائندوں نے اسے تاریخی دن قرار دیتے ہوئے کہا کہ وہ اپنی ذمہ داریوں سے آگاہ ہیں۔

ایکواڈور، جاپان، مالٹا، موزمبیق اور سوئٹزرلینڈ باضابطہ طور پر اقوام متحدہ کی سیکیورٹی کونسل میں شامل ہوگئے ہیں۔

پانچوں ممالک کے سفیروں نے سیکیورٹی کونسل کے دیگر ارکان کی طرح اپنے ملکوں کے جھنڈے چیمبرز کے باہر نصب کر دیے ہیں، یہ روایت 2018 میں قازقستان نے شروع کی تھی۔

یہ دوسرا موقع ہے کہ مالٹا سیکیورٹی کونسل کا رکن بنا ہے، ایکواڈور چوتھی بار جبکہ جاپان بارہویں مرتبہ شامل ہوا ہے۔

خیال رہے کہ سیکیورٹی کونسل کے 15 رکن ہوتے ہیں جن میں 5 ممالک، چین، فرانس، روس، امریکا اور برطانیہ مستقل رکن ہیں۔

دیگر 10 رکن ممالک کا انتخاب اقوام متحدہ کی جنرل اسمبلی کرتی ہے، یہ رکن دو برس کے لیے منتخب کیے جاتے ہیں۔ 

بشکریہ جنگ